Vi vil gjerne høyre frå deg! Send oss ein e-post på kontakt@vimpelverkstedet.no, ein DM på Instagram @vimpelverkstedet, eller fyll ut skjemaet på denne sida. 

Kor lange er vimpelrekkene?

Vimpelrekkene kan bestillast i ulike lengder og er avhengig av kvar dei skal henge. Vi anbefalar 1,5-3 meter for dei små vimplane og 4-6 meter for dei store vimplane. Det er enklare å skjøte saman rekkene, enn å dele dei i to. Vi har satt ei maksgrense på 10 meter per rekke og anbefalar dette primært til større utendørsarrangement. Du kan sjølvsagt bestille så mange rekker du vil.  

Kor store er vimplane?

Vi tilbyr vimplar i to ulike storleikar. Trekantane er likebeinte og har måla 20x20 eller 14x14 (grunnlinje gangar høgde). 

Kan de sy vimplar til meg av dei gamle gardinene til farmor? 

Ja, stort sett går dette heilt fint. Vimplar av stoff med affeksjonsverdi er jo det absolutt beste! Det kan avhenge litt av kva type stoff og kva tilstand stoffet er i. Ta kontakt for å høyre om stoffet du har kan brukast. 

Kan eg leige vimplar eller må eg kjøpe?

Så klart kan du leige! Vi oppfordrar kundane våre til å leige dersom det ikkje er vimplar som kjem til å bli brukt fleire gonger. Vi vil ha eit lager av vimpelrekker i ulike lengder som kan leigast til særskilde anledningar, som bryllup, gavedryss, bursdag, konfirmasjon, temafest osv.

Korleis kan vimplane hengast opp? 

Kvar vimpelrekke har ei løkke på kvar ende som enkelt kan hengast opp på ein knagg, spiker, grein eller liknande. Desto lengre vimpelrekkene er, desto fleire mellomknagger treng ho. Vi har god erfaring med å bruke stoppenåler, teiknestiftar og tau. 

Kan vimplane sendast i posten? 

Vi er lokalisert i Bergen, der vimplane kan hentast konstnadsfritt. Ønskjer du å få vimplane sendt i posten vil det komme eit frakttillegg på 100 kroner.